«Наурыз» диктанты
5–7 сынып · 65 сөз · 12 сөйлем
Сайт мәтінді дауыстап оқиды: алдымен тұтас, сосын бөліп-бөліп баяу. Сен естігеніңді жазасың, қатең бірден түсіндіріледі.
Онлайн жазМәтінді көрсету (мұғалім мен ата-анаға)
Наурыз – ұлыстың ұлы күні.
Наурыз көктемнің келуімен тұспа-тұс келеді.
Осы кезде күн мен түн теңеледі.
Бұл күні адамдар бір-біріне барып, құттықтайды.
Олар «Ұлыс оң болсын!» деп ізгі тілек айтады.
Ренжіскендер татуласып, бір-бірін кешіреді.
Үйлерде дастарқан жайылып, қонақ күтіледі.
Әр үйде наурыз көже пісіріледі.
Көжеге жеті түрлі тағам салынады.
Жастар алтыбақан құрып, ән айтады.
Үлкендер жастарға ақ батасын береді.
Наурыз – бірлік пен мейірімнің мерекесі.