«Абай» диктанты

Абай Құнанбайұлы қазақ жазба әдебиетінің негізін салушы.

Абай Семей өңіріндегі Шыңғыстау баурайында дүниеге келген.

Ол әуелі ауылда, кейін Семейдегі медреседе оқыды.

Ол жастайынан шығыс ақындарының шығармаларын оқып өсті.

Кейін орыс және Еуропа әдебиетімен танысып, көптеген туындыны қазақ тіліне аударды.

Ақынның қара сөздерінде адамгершілік, еңбек, білім туралы терең ойлар айтылған.

Абай халқын оқуға, ізденуге шақырды.

Ақын қазақ поэзиясына жаңа өлшем, жаңа ұйқас әкелді.

Оның өлеңдері әнге айналып, халық арасына кең тарады.

Оның мұрасы бүгін де өз маңызын жоғалтқан жоқ.